Andatzatik ekialdera irteten den mendi adarrean kokatzen da, Olaiko gainean, Zubietamendin, porlanezko bidetik 100 metro mendebalderantz.
Trikuharriak 12 metro diametroko eta 1,15 metro altuerako tumulua du. Erdian, 4×3 m. eta 0,7 metroko sakonunea du, zanga moduan iparraldera zabalduta. Gaur egungo ganbera eskuairan dauden bi harlauzek osatzen dute: albokoa bata, 1,70×0,50×0,70 metrokoa, hegoaldean eta iparrera biratua; eta itxiturakoa bestea, 0,50×0,20×0,10 metrokoa mendebaldean. Ganberaren norabidea: 75 gradu. Harri mota: bertako hareharria.
