Urdaiaga
Torrea etxearen lorategian dago etorri handiko iturburua. San Estebango leizean barneratzen den urak hor duela irteera esan ohi da. Haitz baten azpitik irteten da, trenbidepetik igaro eta erriberan barrena zeharka dezente aurrera egin ostean, errioan amaitu. Garai batean, Lourdesko amabirjinaren irudia zuen haitzean egindako zuloan. Gaur, baina, desagertua da, urazpian beharbada. Errekasto labur horretako ura errioaz bestaldeko angula deposituetan erabiltzen dute.
