Torreko Zatarain familiarena zen 1936ko gerra aurretik eraikitako Txokoaldeko frontoia. Pribatutasun horren lekuko da, hain zuzen, Torreko barrutitik, Lartzandieta eta Iparragirre baserrietarako bidearen gainetik, zuzenean frontoira igarotzen den pasarela, garai batean sarbide bakarra. Pasa den mendearen amaierako uholdeetan Txokoaldek jasan zituen kalteen ondorioz egindako lanetan, inguruaren egituraketa berria egin zen, eta gaur egun sarrera librea du.