Tontorreko aterpea: Estatuarena zen garaian, naturaren kontserbaziorako ICONA erakundeak suteen aurkako behatokia ezarri zuen tontorrean bertan. Geroago, Foru Aldundiaren eskuetan jada, irratiafizionatu elkarteak antena jarri zuen, eta porlanezko aterpe txikia eraiki haren oinean. Aterpearen zati nagusia irekita dago, hara hurbiltzen den mendizalearentzat babesleku.

Atsedenlekuko aterpea:Tontorretik Andatzako gurutze aldera jaisten, Foru Aldundiko Mendi Sailak atondutako atsedenlekua dago, hainbat mahai, eserleku eta aterpearekin. Hara doazen guztiek, ordea, ez dute atseden hartzen, eta ingurua txukun ez mantentzeaz gain, txabola ez dute behar bezala zaintzen.